2018 jyly munaı óndirý kólemi 110 mln. tonnaǵa jetedi - Úkimet otyrysy
ASTANA 28 tamyz. QazAqparat - 2018 jyly munaı óndirý kólemi 110 mln. tonnaǵa jetedi. Bul týraly búgin 2014-2018 jyldarǵa arnalǵan eldiń áleýmettik-ekonomıkalyq damý boljamyna arnalǵan Úkimet otyrysynda QR Ekonomıka jáne bıýdjettik josparlaý mınıstri Erbolat Dosaev málim etti.
«Munaı jáne gaz mınıstrliginiń boljamy boıynsha 2014 jyly munaı óndirý kólemi 83 mln. tonnany quraıdy. Al odan keıingi merzimde onyń deńgeıi arta otyryp, 2018 jyly 110 mln. tonnaǵa deıin jetedi», - dedi mınıstr.
Sonymen qatar ol qyzmet kórsetý salasy qarqyndy damıtyndyǵyn atap ótti. Saýda kóleminiń ósimi 9,8 paıyzdy quraıdy, al kólik jáne baılanys qyzmetteri ortasha alǵanda 7 paıyzǵa artady dep kútilýde.
