2018 jyly mobıldik baılanys tarıfteri qandaı bolmaq
Tarıf josparlaryndaǵy mobıldik ınternettiń lımıti ulǵaıady.
Smartfondardyń keńinen taralýy ınternetke degen suranystyń artýyna ákeldi. Sońǵy málimetterge qaraǵanda, elimizdegi mobıldik baılanys operatorlary abonentteriniń 83%-y ınternetke smartfon arqyly kiredi. 2016 jyly kóptegen abonentter aıyna 5 Gb alǵan bolsa, 2017 jyly bul kórsetkish 6 Gb-qa jetti. Buǵan operatorlardyń jeliniń sońǵy jelisin usynýy kómektesti. Máselen, 2017 jyly Altel 4G+ jelisin engizdi, al basqa operatorlar 4G jelisin damytýda.
2018 jyly bul úrdis jalǵasady, smartfondar burynǵydan da qýatty ári jyldam jumys isteı bastaıdy. Baılanys operatorlary osynyń arqasynda usynylatyn mobıldik ınternet kólemin ulǵaıtyp jatyr.
Jekelegen shekteýsiz servıster paıda bolady.
Sarpashylardyń pikirinshe, shekteýsiz ınternettiń oralýyn kútpegen durys. Óıtkeni ol jeliniń júktemesine artyq salmaq túsiredi. Biraq jekelegen servısterge shekteýsiz qoljetimdiliktiń paıja bolýy ábden múmkin. Bıyl shekteýsiz qoljetimdilikti usynǵan alǵashqy operator Tele2 boldy. 25 qańtarda tele «Kádimgideı», «Qosyl», «Tolyǵymen qosyl» WhatsApp, Facebook, Instagram, VK áleýmettik jelilerin iske qosyp, shekteýsiz qoljetimdilikti qosa usyndy. Degenmen operator tarıfterdiń baǵasyn burynǵysynsha - aptasyna 440 teńgeden, aıyna 2 590 teńgeden bastalatyndaı etip qaldyrdy.
Ondaı tarıftik josparlardyń artyqshylyǵy abonentter úshin ınternet-trafıktiń únemdelýi bolmaq.
Tarıftik jospar lımıtiniń ulǵaıýyna baılanysty baǵa da artady.
Byltyrǵy jeltoqsanda 4Service kompanııasy júrgizgen zertteý qazaqstandyqtardyń kópshiligi baılanys úshin aıyna ortasha 1 myń teńgeden 2 myń teńgege deıin aqsha shyǵyndaıtynyn kórsetti. Al Qazaqstan álemdegi mobıldik baılanys tarıfteri eń arzan elderdiń biri bolyp qalýda. Bul baılanys operatorlaryna aıtarlyqtaı qıyndyqtar týyndatady. Óıtkeni abonent sapaly qyzmet pen jyldam ınternet, munymen qosa 4G jelisin talap etedi, biraq trafıktiń monetızatsııasy tómen kúıinde qalyp otyr. Mobıldik ınternet pen sóılesý mınýttaryn qosa eseptesek, 2016 jylǵy baǵa 2017 jyly ózgerissiz qalǵanyn kóremiz. Sonymen birge tarıftik paketterdegi qyzmetter kólemi úlkeıgendikten, abonenttik tólemder mólsheri de artqan.
Mobıldik ınternetti paıdalaný kólemi qarqynmen ósip kele jatqanyn eskersek, osyǵan baılanysty bıyl tarıfterdiń de ósýin kútýge bolady.