2018 jyly memlekettik satyp alýlardaǵy problemalar tolyq sheshilmek
«Memlekettik satyp alýlardy uıymdastyrýǵa qatysty máselege toqtalsaq, Qajy mınıstrligi osy baǵytta eleýli jumystardy atqardy. Osy oraıda protsesterdi avtomattandyrý boıynsha biryńǵaı alańdy qurýda qajetti sharalar atqaryldy. Alaıda bizde memlekettik satyp alýlar týraly zańnamaǵa ózgerister men tolyqtyrýlar boıynsha iske asyrylatyn jumystar bar. Qujatty Májiliske, keıinnen Senatqa ótýin tezdetý kerek, sebebi buǵan kóptegen máseleler baılanysty bolyp otyr. Óıtkeni ákimder bul taqyrypty únemi kóterip keledi, ıaǵnı búginde ol eki deńgeıli konkýrsty engizý máselesine qatysty», - dedi Dosaev.
Sonymen qatar ol 2018 jyly memlekettik satyp alýlar salasyndaǵy problemalardy sheshýge erekshe nazar aýdarý kerektigin sóz etti.
«Shyn máninde, bizde jergilikti atqarýshy organdarmen tıisti deńgeıde úılestirilgen jumystar qurylmaǵan. Memlekettik satyp alýlar - bul jemqorlyq jaılaǵan aýmaqtyń biri sanalady jáne ol jaıynda kóbi aıtyp júr. Ony ashyq ári túsinikti etý QR Qarjy mınıstrligi Memlekettik satyp alýlar komıtetiniń basty maqsaty. Sondyqtan da 2018 jyly osy saladaǵy qordalanǵan máselelerdi sheshýge aıryqsha mán berý kerek bolyp tur. Atap aıtqanda, memlekettik satyp alýlardaǵy problemalarǵa sońǵy núkteni qoıý kerek», - dedi Erbolat Dosaev.
