2018 jyly «Qytaı-Eýrazııa» altynshy EKSPO kórmesi ótedi
ASTANA. QazAqparat - 2018 jyldyń tamyz aıynda Shyńjań-Uıǵyr avtonomııalyq aýdanynyń ákimshilik ortalyǵy - Úrimshi qalasynda «Qytaı-Eýrazııa» 6-ynshy EKSPO kórmesi ótedi, dep habarlaıdy QazAqparat Sınhýa agenttigine silteme jasap.
Kórmeniń jalpy aýmaǵy 140 myń sharshy metrdi quraıtyn bolady. Onda kedeılikpen kúres, erekshe azyq-túlikter, baspa ónimderi jáne taǵy basqa da taqyryptarǵa arnalǵan pavılondar ashylady.
Jármeńke aıasynda sonymen qatar mınıstrlikter deńgeıinde 15 forým josparlanǵan.
Bunyń aldyndaǵy EKSPO kórmelerinde ishki jobalardy júzege asyrý boıynsha - 150 mlrd dollar somasyna jáne syrtqy saýda jobalaryna qatysty 30 mlrd dollar somasyna kelisimder jasalǵan bolatyn.
Jármeńkeniń uıymdastyrý komıteti bastyǵynyń orynbasary Hýan Sanpın «Qytaı-Eýrazııa» EKSPO-sy Qytaı men eýrazııalyq elder arasynda yntymaqtastyq ornatýdyń mańyzdy alańyna aınalǵanyn atap ótti.
