2018 jyly qoldanystaǵy elektromobılderdiń sany artady
ASTANA. QazAqparat -2018 jyldyń aıaǵyna qaraı qoldanystaǵy elektromobılderdiń sany 5 mıllıonǵa jetedi, dep habarlaıdy Hightech .
Bul boljamdy Shvetsııanyń EV-Volumes kompanııasy jasady.
Bılik sharalary men avtoóndirýshilerdiń arasyndaǵy básekeles kóliktiń osy túrine degen qyzyǵýshylyqty arttyrady. Atap aıtqanda, iri brendter Nissan Leaf nemese Jaguar iPace sııaqty elekromobılderdiń meılinshe jetildirilgen modelderin usynady, sondaı-aq AQSh turǵyndary ózderiniń buryn tapsyrys bergen Tesla Model 3 kólikterine qol jetkizedi.
Elektromobılderdi paıdalanýdyń eń iri naryǵy Qytaı bolyp qalyp otyr. Máselen, Qytaı naryǵyna kóz tigip otyrǵan alpaýyttardyń biri Toyota 2020 jylǵa qaraı 10 jańa model shyǵarýǵa ýáde bergen. Al 2030 jylǵa qaraı elektrmen júretin mashınalar satylymyn mıllıonǵa jetkizbek.
Volkswagen osy kórsetkishke 2025 jyly qol jetkizetinine senimdi. Óz kezeginde BMW 2025 jylǵa 12 jańa model usynyp, Toyota-ny artta qaldyrýdy kózdeıdi.
Aǵymdaǵy jyly 1 mln elektromobıl satylǵan, bul jalpy avtomobıl naryǵynyń 1,25%-yn quraıdy.
