2018 jyly Qazaqstandaǵy Ózbekstan jyly ótedi

TAShKENT. QazAqparat - 2018 jyly Qazaqstandaǵy Ózbekstan jyly ótedi. Bul týraly búgin Ózbekstan prezıdenti Shavkat Mırzıeevpen shaǵyn jáne keńeıtilgen quramdaǵy kelissózderden keıingi birlesken málimdeme jasaý barysynda Qazaqstan Prezıdenti Nursultan Nazarbaev aıtty, dep habarlaıdy QazAqparattyń arnaýly tilshisi Tashkentten.

«Dostyq qarym-qatynastyń mańyzdy faktory bizderdiń úzilip qalǵan  mádenı-gýmanıtarlyq baılanystarymyz ekendigimen kelisemin. Biz 2018 jyly Qazaqstandaǵy Ózbekstan jylyn ótkizýge ýaǵdalastyq. Kún tártibinde Ózbekstandaǵy Qazaqstan jylyn ótkizý de bar. Atalǵan shara aıasynda túrli is-sharalar ótkiziletin bolady. Olar baýyrlas halyqtardy odan ári jaqyndastyra túsedi»,-  dedi Qazaqstan Prezıdenti.

Sonymen qatar Memleket basshysy búgingi kelissózderdiń qorytyndysyn joǵary baǵalaıtyndyǵyn basa aıtty.

«Biz Memleket basshylarynyń  birlesken málimdemesin qabyldadyq, onda qarym-qatynasymyzdyń barlyq máseleleri jazylǵan. Eki eldiń Úkimet basshylary qarym-qatynastarymyzdy odan ári damytýǵa baǵyttalǵan birqatar ekijaqty qujatqa qol qoıdy. Bizdiń bıznesmenderimiz de forým barysynda ondaǵan birlesken kelisimshart jaıynda ýaǵdalasty. Búgingi sapardyń, kelissózderdiń, qol qoıylǵan qujattardyń baýyrlas halyqtardy odan ári jaqyndata túsý úshin jumys isteıtindigine senimdimin. Eń astysy eki halyqtyń da múddesi úshin jumys jasaıdy», - dedi Elbasy.