2018 jyly Qazaqstanda agrarlyq ǵylymdy damytýǵa qansha qarjy bólinedi

ASTANA. QazAqparat - Keler jyly elimizdiń agrarlyq sala ǵylymyn damytýǵa 4 mlrd teńgeden astam qarjy bólinedi. Bul týraly búgin Úkimet úıinde ótken baspasóz máslıhatynda QR Aýyl sharýashylyǵy vıtse-mınıstri Gúlmıra Isaeva málim etti, dep habarlaıdy QazAqparat.

«Kelesi jyly agrarlyq ǵylymdy damytýǵa  21 basymdyǵy bar baǵyt boıynsha 4,2 mlrd teńge bólý josparlanǵan.  Ol bastalǵan, uzaq jyldardan beri júrgizilip kele jatqan zertteýlerdi jalǵastyrýǵa, sonymen qatar jańa ǵylymı ázirlemelerdi qarjylandyrýǵa múmkindik beredi. Bul rette atalǵan tehnologııalardy engizýge aıryqsha mán beriletin bolady», - dedi ol.

Vıtse-mınıstrdiń paıymynsha, agrarlyq ǵylymdy bıznestiń qyzyǵýshylyǵyn týdyratyndaı deńgeıge jetkizýimiz kerek.

«Osydan birneshe jyl buryn Memleket basshysy qabyldaǵan Ulttyq agrarlyq-ǵylymı ortalyq qurý sheshimi ǵylym, bilim jáne agrarlyq bıznestiń úzdiksizdigin qamtamasyz eteýge baǵyttalǵan bolatyn. ıAǵnı,  bıznes jańa ınnovatsııalyq tehnologııalardy belsendi túrde engizýleri qajet. Bizdiń ǵalymdarymyz  fermelermen birlesip, olarǵa atalǵan tehnologııalardy engizýge kómekterin berýleri kerek»,-  dedi Gúlmıra Isaeva.

Aıta keterligi, baspasóz máslıhatynda «EKSPO-2017» halyqaralyq kórmesinde usynylǵan aýyl sharýashylyǵy salasyndaǵy jańa tehnologııalardy elimizdiń ekonomıkasyna beıimdeý máseleleri qozǵaldy. Vıtse-mınıstrdiń sózine qaraǵanda, kórme aıasynda usynylǵan Reseı, Fınlıandııa, Nıderlandy, Belarýs syndy 15 eldiń aýyl sharýashylyǵyna arnalǵan 66 jańa tehnologııasyn tańdap alǵan.