2018 jyly Qazaqstanda 27 ınvestıtsııalyq joba júzege asyryldy

NUR-SULTAN. QazAqparat - «Kazakh Invest» UK» AQ qoldaýymen 2018 jyly elimizde sheteldik kapıtaldyń qatysýymen jalpy quny 3,1 mlrd. AQSh dollaryn quraıtyn 27 ınvestıtsııalyq joba iske asyryldy.

Óz kezeginde atalmysh jobalar 6 myń jumys ornyn ashylýyna negiz boldy, dep habarlaıdy QazAqparat QR Syrtqy ister mınıstrliginiń málimetterine silteme jasaı otyryp.

Qazirgi tańda «Kazakh Invest» UK» AQ-nyń monıtorıng júıesinde 26 eldiń sheteldik ınvestorlarynyń qatysýymen jalpy somasy 40 mlrd. AQSh dollaryn quraıtyn 157 joba bar. Olardy iske asyrý shamamen 45 myńǵa jýyq jumys ornyn ashýǵa múmkindik beredi.

Óńirler bólinisinde jobalardyń eń kóp sany Almaty oblysyna tıesili - 4,1 AQSh mlrd. dollaryn quraıtyn 27 joba. Birinshi bestikke sondaı-aq Qaraǵandy oblysy - 2,1 mlrd. dollardyń 15 jobasy, Nur-Sultan qalasy - 4,1 mlrd. dollardyń 12 jobasy, Qostanaı oblysy - 2,2 mlrd. dollardyń 12 jobasy jáne Aqtóbe oblysy - 1 mlrd. dollardyń 10 jobasy kiredi.

«180 joba boıynsha kelissózder bastalǵan, qazir ınvestorlardyń jeke tizbesi júrgizilýde. 2019 jyly qosymsha 27 jobany iske qosýdy qamtamasyz etý jáne 100-ge jýyq jańa ınvestorlardy tartý josparlanýda»,-delingen Syrtqy ister mınıstrliginiń habarlamasynda.