2018 jyly Qaraǵandy oblysyndaǵy mektep-ınternattar jóndeledi
QARAǴANDY. QazAqparat - 2018 jyldyń sońyna deıin Qaraǵandy oblysyndaǵy barlyq mektep-ınternattar tolyq jóndeledi. Oblys ákimi Erlan Qoshanov osyndaı tapsyrma berdi, dep habarlaıdy «QazAqparat» HAA.
Qaraǵandy oblysy ákimdigi baspasóz qyzmetiniń habarlaýynsha, óńirde qazirgi kezde 21 ınternat jumys júrgizýde.
«Jalpy mektep jasyndaǵy balalar sany 2 178-ge jetetin 113 eldi mekende mektep joq. Onyń ústine oýqshylary az normatıvke sáıkes kelmeıtin keıbir mektepter jabylyp jatyr. Mundaıda mektep-ınternattarynyń mańyzy zor», - deıdi bilim basqarmasynyń basshysy Esenǵazy Imanǵalıev.
Internattardy tekserý barysynda olardyń basym kópshiligi tozyp, jóndeýdi, beınebaqylaý kamerasyn ornatyp, zamanaýı jıhazdarmen qamtamasyz etýdi talap etetindigi anyqtaldy.
Esepteýlerge qaraǵanda, mektep-ınternattarynyń materıaldyq-tehnıkalyq bazasyn nyǵaıtý úshin 89,9 mln teńge, jóndeletin ǵımarattarǵa - 609,1 mln teńge, al qurylysqa 1,1 mlrd teńge ketedi.
