2018 jyly qansha munaı óndiriledi - QMG BÓ jospary
Kompanııa baspasóz qyzmeti taratqan málimetke sáıkes, «QazMunaıGaz» Barlaý Óndirý» AQ dırektorlar keńesi 2018 jyldyń bıýdjetin jáne 2018-2022 jyldarǵa arnalǵan bıznes-jospardy bekitken. Atalǵan qujatta munaı óndirýdiń josparly kólemi 2018 jyly «Ózenmunaıgaz» AQ-da (ÓMG) 5,6 mln tonnany (táýligine 113 myń barrel) jáne «Embimunaıgaz» AQ-da (EMG) 2,9 mln tonnany (táýligine 58 myń barrel) quraıdy dep kórsetilgen. Jalpy óndirýdiń josparly kólemi ÓMG men EMG-de 2018 jyly 8,5 mln tonnany (táýligine 171 myń barrel) quraıdy, bul negizinen 2017 jyly ÓMG-de bazalyq óndirýdiń azaıýy saldarynan 2017 jyly bekitilgen óndirý josparynan 2 paıyzǵa kem.
«Qazgermunaı» BK» JShS (QGM), CCEL (CCEL) jáne «PetroQazaqstan Ink.» (PQI) kompanııalarynyń munaı óndirýdiń josparly kólemindegi QMG BÓ úlesi 2018 jyly 3,4 mln tonnany (táýligine 68 myń barrel) quraıdy, bul PQI jáne QGM-de kútiletin munaı óndirý deńgeıiniń tabıǵı azaıýyna baılanysty 2017 jyly bekitilgen óndirý josparynan 5 paıyzǵa az.
Kompanııa 2022 jylǵa qaraı ÓMG men EMG-niń óndirý kólemderi tıisinshe 6,2 mln jáne 3,0 mln tonnaǵa deıin ósedi dep josparlaıdy, bul uńǵymalardyń aýyspaly qorymen jumys jasaý jónindegi keshendi sharalardyń jáne qosymsha geologııalyq-tehnıkalyq is-sharalardyń esebinen 2017 jyly bekitilgen óndirý josparymen salystyrǵanda jıyntyqty 6 paıyzǵa artyq. Sonymen qatar, QGM, CCEL jáne PQI-diń jalpy óndirý kólemi 2022 jyly 1,9 mln tonnany quraıdy, bul eń bastysy QGM men PQI kompanııalarynda óndirýdiń tabıǵı jolmen tıisinshe 64 jáne 66 paıyzǵa azaıýy esebinen 2017 jyly bekitilgen óndirý josparymen salystyrǵanda 46 paıyzǵa kem bolady.
Jalpy, QGM, CCEL jáne PQI kompanııalaryndaǵy úlesterdi eseptegende, 2022 jyly QMG BÓ-niń óndirýdiń josparly kólemi 2017 jyly bekitilgen óndirý josparynan 9 paıyzǵa tómen.
