2018 jyly «Іle-Balqash» tabıǵı rezervaty men «Tarbaǵataı» ulttyq parki qurylady
«2003 jyly 22 mln gektar nemese memlekettik orman qorynyń jalpy alqabynyń 79 paıyzy bekitilgen 123 orman sharýashylyǵy mekemesi oblystar ákimdikterine berildi. Almaty jáne Ońtústik Qazaqstan oblystaryn qospaǵanda, osy jyldar ishinde ákimdikter orman sharýashylyǵynyń jaı-kúıin jaqsartý jóninde sharalar qoldanbady dese de bolady. Orman sharýashylyqtary qaldyq qaǵıdaty boıynsha qarjylandyrylady, materıaldyq-tehnıkalyq jaraqtandyrý normatıvtik mólsherdiń 64 paıyzyn quraıdy. Orman sharýashylyǵy qyzmetkerleriniń sapalyq quramy nasharlap ketti. Bilikti kadrlardyń turaqtamaýy baıqalady. Ormandardy molyqtyrý kólemi, budan buryn aıtqanymyzdaı, qysqaryp barady», - dedi vıtse-mınıstr.
Onyń aıtýynsha, atalǵan jaıttarǵa baılanysty ákimdikter Aýyl sharýashylyǵy mınıstrligi áldeneshe ret tapsyrǵan sharalardy qoldanýy kerek.
«Al ahýal 3 jyl ishinde túzele qoımaǵan jaǵdaıda orman sharýashylyqtarynyń oblys ákimdikteriniń qaraýynda bolýynyń oryndylyǵy týraly máseleni qaraý qajet dep esepteımiz. Erekshe qorǵalatyn tabıǵı aýmaqtarǵa, ıaǵnı qoryqtarǵa, ulttyq parkterge jáne rezervattarǵa keletin bolsaq, Úkimet belgilegen barlyq ındıkatorlar oryndalýda. Erekshe qorǵalatyn tabıǵı aýmaqtardy damytý josparyna sáıkes kelesi jyly «Іle-Balqash» tabıǵı rezervaty men «Tarbaǵataı» ulttyq parki qurylady. Elbasynyń Astana qalasynyń tóńireginde jasyl aımaq qurý jónindegi tapsyrmasy erekshe baqylaýda jáne munda da belgilengen josparlar tolyq kóleminde oryndalýda. Jasyl aımaqtyń jalpy alqaby 80 myń gektarǵa derlik jetti»,- dedi Erlan Nysanbaev.