2018 jyly dárilik qamtýdy ortalyqtandyrýdan 23 mlrd teńge únemdeldi
NUR-SULTAN. QazAqparat - 2018 jyly ambýlatorlyq-dárilik qamtamasyz etýdi ortalyqtandyrý nátıjesinde 23 mlrd teńge únemdeldi. Bul týraly búgin Senattaǵy "Óńir" depýtattyq tobynyń otyrysynda "Medıtsınalyq áleýmettik saqtandyrý qory" UAQ basqarmasynyń tóraǵasy Aıbatyr Jumaǵulov aıtty, dep habarlaıdy QazAqparat tilshisi.
"Qor biryńǵaı tóleýshi retindegi óz qyzmetin bastaǵan sátten beri qor deńgeıinde Tegin medıtsınalyq kómektiń kepildendirilgen kólemin qarjyldandyrýdy ortalyqtandyrdy. 2019 jyldyń ishinde qor ákimshilegen qarjynyń somasy 973 mlrd teńgeni qurady. 2019 jyly jeke jetkizýshiler úshin Tegin medıtsınalyq kómektiń kepildendirilgen kóleminiń tartymdylyǵy artty. 698 jeke jetkizýshimen kelisimshart jasaldy. Bul shamamen 50 paıyzdy quraıdy. Árıne, 2019 jylǵy kelisimshart somasy nebári 16,4 paıyzdy qurady. Biraq, 2017 jylmen salystyrsaq 2 ese ósim bar", - dedi ol.
Onyń atap ótýinshe, buǵan deıin jergilikti bıýdjet qarajaty esebinen qarjylandyrylyp kelgen mamandandyrylǵan kómek qyzmetterine arnalǵan tarıfterdiń óńirler arasyndaǵy aıyrmashylyǵy qysqarǵan. Máselen, 2018 jyly onkologııa tarıfteriniń aıyrmashylyǵy 3 esege jýyq bolǵan.
"Ambýlatorlyq-dárilik qamtamasyz etý ortalyqtandyryldy. Ortalyqtandyrylǵan satyp alýdyń nátıjesinde shamamen 23 mlrd teńge únemdeldi. 2018 jyly únemdelgen qarajat jedel medıtsınalyq kómek, dárilik zattardysatyp alý, joǵarǵy tehnologııalyq medıtsınalyq qyzmetterdi keńeıtý shyǵystaryna jumsaldy", - dedi A.Jumaǵulov.
