2018 jyly Buqar jyraýdyń 350 jyldyǵy men Qurmanǵazynyń 200 jyldyq mereıtoıy ótedi
Bul týraly QR Memlekettik hatshysy Gúlshara Ábdiqalyqova Qazaqstan halqy Assambleıasy Keńesiniń keńeıtilgen otyrysynda málim etti.
«Kele jatqan 2018 jyly Buqar jyraýdyń 350 jyldyǵy, Qurmanǵazynyń 200 jyldyǵy, Maǵjan Jumabaevtyń 125 jyldyǵy, general Panfılovtyń 125 jyldyǵy, Qasym Qaısenovtyń 100 jyldyǵy sekildi elge eńbegi sińgen birneshe tulǵalardyń mereıli jyldaryn atap ótemiz», - dedi Memlekettik hatshy QHA Keńesiniń keńeıtilgen otyrysynda.
Sonymen birge, G.Ábdiqalyqova keler jyldyń basty mereıtoıy - Astananyń 20 jyldyǵy ekenin eske saldy jáne Astananyń 20 jyldyq mereıtoıyn ótkizýge qatysty Assambleıanyń arnaıy sharalarynyń josparyn qurýdy tapsyrdy.
«Astana - Táýelsiz Qazaqstannyń sımvoly, el Prezıdentiniń júzege asqan ıdeıasy jáne barsha halqymyzdyń eńbeginiń nátıjesi. Qazaqstan halqy Assambleıasynyń árbir múshesi Astananyń mereıtoıyna belsendi qatysyp, laıyqty úlesterin qosýy qajet», - dep óz sózin túıindedi Gúlshara Ábdiqalyqova
Aıta keteıik, Astanada Qazaqstan halqy Assambleıasy Keńesiniń keńeıtilgen otyrysy ótti. Otyrys barysynda Memleket basshysynyń QHA-nyń XXV sessııasynda jáne QR Parlamentiniń 6-shaqyrylymdaǵy 3-sessııasynyń ashylýynda bergen tapsyrmalaryn oryndaý barysy, sondaı-aq «Rýhanı jańǵyrý» baǵdarlamasyn iske asyrý jáne basqa da uıymdastyrý máseleleri qarastyryldy.
