2018 jyly bolǵan dúleı apattar myńdaǵan adamnyń ómirin qıyp ketti
ANKARA. QazAqparat - 2018 jyly álemde bolǵan dúleı apattardyń saldarynan myńdaǵan adam mert boldy, dep habarlaıdy Anadoly agenttigi.
Bul rette jer silkinisi, sý tasqyny jáne mýsson jańbyrlarynan bolǵan kóshkin saldarynan jumǵan adamdardyń sany kóp.
Júzdegen adam qatty daýyl, orman órtteri jáne janartaý atqylaýy saldarynan qaza tapty.
28 qyrkúıekte Indonezııanyń Sýlavesı aralynda qýatty jer silkinisi boldy. Zilzaladan jáne odan keıin bolǵan tsýnamıden 2256 adam ajal qushty.
Budan basqa, 2018 jyldyń jazynda Úndistan elinde mýsson jańbyrlarynyń soń bolǵan sý tasqyny men kóshkin saldarynan 860-tan astam kóz jumdy.
Shildede Japonııadaǵy sý tasqyny men kóshkin 222 adamnyń ómirin qıyp ketti.
Maýsymnyń 3-inde Gvatemalada Fýego janartaýy atqylap, 194 adam qaza tapty, taǵy 234 adam iz-tússiz joǵalǵan.
23 shildede Afıny mańynda bolǵan orman órti eldi mekenderge tarap, saldarynan 99 adam qaza taýyp, 187 adam jaraqat aldy. Budan basqa júzdegen úıler men kólikter órtenip ketken.
AQSh-tyń Kalıfornııa shtatyndaǵy ońtústik jáne soltústik aımaqtarynda bolǵan orman órtinen 88 adam kóz jumdy.
