2018 jyly bıtkoınnyń kúıreýi, ıýanniń kúsheıýi boljanady
ASTANA. QazAqparat -Danııalyq Saxo Bank ınvestbanki 2018 jylǵa arnalǵan «Tańqaldyrarlyq joramaldar» esebin jarııalady, dep jazady VVS.
Danııalyq bank 15 jyldyq dástúr boıynsha yqtımaldyǵy baǵalanbaıtyn negizgi oqıǵalardyń bir parasyn jarııalady. Olardyń arasynda bıtkoınnyń kúıreýi, ujymdyq femınız rásimi, Apple-dyń álsireýi sııaqty boljamdar bar.
Óz kezeginde, Saxo Bank «tańqaldyrarlyq joramaldardyń» - boljam emes, tek jaǵymsyz jaǵdaılardan eskertý ǵana ekendigin atap ótti.
Saxo Bank-tiń baıandamasynda, bıtkoın qunynyń 2018 jyly birden túsip ketýi múmkin ekendigi aıtylady. Sarapshylar Reseı men Qytaı krıptovalıýtaǵa tyıym salǵannan keıin sala kúıreıtinin aıtýda.
«Bıtkoın 60 myń dollarǵa jetip, keıin 1000 dollarǵa deıin qulaýy múmkin», delingen baıandamada.
Sondaı-aq, 2018 jyly áıel-basshylardyń sany artady. Fortune 500 bas dırektorlar tizimindegi áıelder sany eki ese ósedi, delingen zertteýde.
Esepke sáıkes, 2018 jyly munaı salasyndaǵy mámilelerde ıýanniń róli aıtarlyqtaı kúsheıedi. Álemdegi munaı ımportshylary men shıkizat óndirýshiler ıýan arqyly esep aıyrysýy múmkin.
Aldaǵy jylda Apple álemdegi eń iri kompanııa ataǵynan aıyrylýy múmkin. Saxo Bank-niń aıtýynsha, Qytaıdyń ınternet-gıganty Tencent-nyń kapıtalızatsııalanýy 2018 jyly eki esege ósip, naryqtyq qun boıynsha Apple-di basyp ozbaq,
2018 jyly aqshanyń qunsyzdanýy men qundy qaǵazdar boıynsha tabys saldarynan Japonııanyń ulttyq valıýtasy dollarǵa shaqqanda qunsyzdanýy múmkin.
Aıta keteıik, bul zertteýde qarjygerler kóptegen adamdardyń oqıǵanyń yqtımaldyǵyn 1% dep baǵalaýy, biraq ol oqıǵalardyń oryn alý yqtımaldyǵy 10%-ǵa jýyqtaıtyn oqıǵalar týraly baıandalady.
