2018 jyly Atyraýda 220 km kóshege asfalt tóseledi
ATYRAÝ. QazAqparat - 2018 jyly Atyraýda 220 km kóshege asfalt tóseý josparlanýda, dep habarlaıdy «QazAqparat» HAA tilshisi.
«Keler jyldyń jospary boıynsha 207 kóshedegi jańa joldardyń joba-smetalyq qujattamasy ázirlendi. Olardyń jalpy uzyndyǵy 220 kılometrdi quraıdy. Jańa joldar qalanyń ishine de, qala mańyna da salynady. Ázirshe komıssııa ınvestorlardyń kómegimen jaryq ornatylatyn 174 kósheni belgiledi. 184 kóshege jalpy uzyndyǵy 174 km bolatyn jaıaý júrginshiler joly salynady», - dep málimdedi Óńirlik kommýnıkatsııalar qyzmetinde bolǵan baspasóz máslıhatynda Atyraý qalasynyń ákimi Serik Shápkenov.
Ol 2017 jyly jalpy uzyndyǵy 200 km bolatyn 311 kóshege jol tóseý josparlanyp, merdiger uıymdar jospardy artyǵymen oryndaǵanyn tilge tıek etti. Qazirgi kezde qalada jáne qala mańyndaǵy aýdandarda jalpy uzyndyǵy 267 km bolatyn 330 kóshege asfalt tóseldi. Oǵan jergilikti bıýdjet qarajatynan 25 mlrd teńge bólingen.
