2018 jyly Atyraý oblysynyń negizgi kapıtalyna 3,7 trln teńge ınvestıtsııa quıylǵan
ATYRAÝ. QazAqparat - 2018 jyly Atyraý oblysynyń negizgi kapıtalyna 3 trln 689,5 mlrd teńge ınvestıtsııa quıylǵan, dep habarlaıdy QazAqparat tilshisi.
«2017 jylmen salystyrǵanda ınvestıtsııa kólemi 136% qurap otyr. Bul óńirdiń ınvestıtsııalyq klımatyn jaqsartý jáne oblys ekonomıkasyna tikeleı sheteldik ınvestıtsııalar tartý boıynsha jasalǵan júıeli jumystyń nátıjesi. Qazirgi tańda aımaq álemniń 50-den astam elimen yntymaqtasyp jatyr. Oblysta myńnan astam birlesken jáne sheteldik kásiporyn jumys istep jatyr. Atyraý ekonomıkasyna ınvestıtsııalar tartý maqsatynda jyl saıyn «Global Oil&Gas Atyrau» Soltústik Kaspıı óńirlik kórmesi men «Atyrau Build» qurylys kórmesi ótkizilip turady», - dep habarlady oblys ákimdiginiń baspasóz qyzmeti.
Atyraý oblysynyń ákimdigi óńirdegi ınvestıtsııalyq qyzmetke baılanysty máselelerdi tez sheshý úshin «Investorlar tartý jáne ınvestıtsııalyq klımatty jaqsartý jónindegi aımaqtyq keńes» qurdy. Keńestiń quramyna memlekettik organdar, qoǵamdyq birlestikter, sheteldik kompanııalar basshylary men elshilik ókilderi kirdi.
