2018 jyly Atyraý oblysynda syrtqy saýda aınalymy 30 mlrd dollardan asty
ATYRAÝ. QazAqparat - 2018 jyly Atyraý oblysynda syrtqy saýda aınalymy 30 mlrd AQSh dollarynan asty, dep habarlaıdy QazAqparat tilshisi.
Taýar aınalymynyń jalpy kóleminde eksporttyń salystyrmaly salmaǵy 92 paıyzdy quraǵan - bul 27,5 mlrd AQSh dollary. Al ımport kólemi 8 paıyzdy - 2,5 mlrd AQSh dollaryn qurady.
«Import qurylymynda eń kóp úles «Jabdyqtar men mehanızmder» - 59,3 paıyz, «Qara metaldan jasalǵan buıymdar» - 17,7 paıyz, «Hımııa ónerkásibi ónimderinde» - 6,3 paıyz bolǵan. Kedenshiler 43 myńǵa jýyq deklaratsııany resimdegen, bul ótken jyldyń osyndaı kórsetkishterimen salystyrǵanda 18,4 paıyzǵa kóp. Sonyń ishinde ımport boıynsha 36,7 myńnan astam, al eksport boıynsha - 6 myńǵa jýyq deklaratsııa resimdelgen», - dep habarlady Atyraý oblysy boıynsha Memlekettik kirister departamentiniń kedendik baqylaý basqarmasynan.
