2018 jyly Astanada Dúnıejúzilik taý-ken kongresi ótedi
ASTANA. QazAqparat - Rıo-de-Janeıroda ótip jatqan XXIV Dúnıejúzilik taý-ken kongresinde 21 qazanda qazaqstandyq tarapqa 2018 jyldyń 19-22 maýsymy aralyǵynda Astanada Dúnıejúzilik taý-ken kongresin ótkizý ótkizýge quqyq beretin «shyraqty» tapsyrý rásimi josparlanyp otyr. Bul týraly QR IDM baspasóz qyzmeti habarlady.
QR Investıtsııalar jáne damý mınıstrliginiń Jaýapty hatshysy Zamır Saǵynov bastap kelgen Qazaqstannyń iri taý-ken kompanııalarynyń, «Atameken» Ulttyq kásipkerler palatasynyń, ǵylymı-zertteý ınstıtýttarynyń, «Iteca» kórme kompanııasynyń ókilderinen turatyn qazaqstandyq delegatsııa Rıo-de-Janeıro qalasynda ótip jatqan XXIV Dúnıejúzilik taý-ken kongresiniń jumysyna qatysýda.
18 qazanda bastalǵan is-sharaǵa 34 eldiń 2 myńnan astam ókilderi, onyń ishinde úkimet músheleri, ǵylymı qaıratkerler, halyqaralyq mamandandyrylǵan uıymdardyń qyzmetkerleri, taý-ken kásiporyndarynyń basshylary, Brazılııada akkredıttelgen dıplomatııalyq korpýstyń ókilderi bar.
Taý-kenshiler sezinde halyqaralyq uıymdastyrýshy komıteti otyrysy, kongress plenarlyq otyrysy, taý-ken salasyndaǵy sońǵy jetistikterdi tamashalaıtyn kórme, ǵylymı-tehnıkalyq jumystar men jobalar konkýrsynyń ótkiziledi. Jıynǵa qatysýshylar paıdaly qazbalar ken oryndaryn barlaý, taý-ken jáne jerasty jumystaryn júrgizý, avtomattandyrý jáne robotty tehnıkany paıdalaný, taý-ken ónerkásibi salasyndaǵy ınnovatsııalar sekildi mańyzdy máselelerdi talqylaıtyn bolady.
Kongrestiń birinshi kúninde QR IDM-niń Jaýapty hatshysy plenarlyq otyrys barysynda qazaqstandyq taý-ken ónerkásibiniń negizgi baǵyttary men onyń damý bolashaǵy týraly habarlap, halyqaralyq uıymdastyrýshy komıtetiniń múshelerin XXV Dúnıejúzilik taý-ken kongresin daıyndaý boıynsha Qazaqstanda júrgizilip jatqan jumys týraly baıandady.
«KAZNEX INVEST» eksport jáne ınvestıtsııalar ulttyq agenttigi» AQ kórme barysynda taý-ken-metallýrgııalyq keshenine, elimizdiń ınvestıtsııalyq saıasatyna, eksporttyq áleýetine, sondaı-aq «EKSPO-2017» kórmesine arnalǵan ulttyq stendty usyndy.
21 qazanda kongrestiń qorytyndylary boıynsha qazaqstandyq tarapqa 2018 jyldyń 19-22 maýsymy aralyǵynda Astanada ótetin kelesi kongresti ótkizý quqyq beretin «shyraqty» tapsyrý rásimi josparlanyp otyr.
