2018 jyly Astanada Búkilálemdik shahmat olımpıadasy ótedi
ASTANA. 12 naýryz. QazAqparat - 2018 jyly Astanada Búkilálemdik shahmat olımpıadasy ótedi. Bul týraly búgingi baspasóz máslıhatynda QR Shahmat federatsııasynyń atqarýshy dırektory Álııa Muqajanova málim etti.
Onyń habarlaýynsha, Astanada ótken shahmattan áıelder arasyndaǵy Álem chempıonaty aıasynda Halyqaralyq shahmat federatsııasynyń prezıdenti Kırsan Ilıýmjınov pen qala ákimi Imanǵalı Tasmaǵambetov kezdesken bolatyn. «Kezdesý kezinde shahmattan Álem kýbogyn 2017 jyly, al 2018 jylda Búkilálemdik shahmat olımpıadasyn ótkizýge kelisti. Bul - asa jaýapty is. Sondyqtan biz oǵan tap-tuınaqtaı daıyn bolýymyz qajet. Shahmatshy qyzdarymyz da daıar bolýy shart», - deıdi Á.Muqajanova.
Aıta keteıik, Astanada ótken shahmattan áıelder arasyndaǵy Álem chempıonatynyń ashylý rásimine qatysqan Halyqaralyq shahmat federatsııasynyń prezıdenti Kırsan Ilıýmjınov Astanada Búkilálemdik shahmat olımpıadasyn ótkizýge qajetti jaǵdaıdyń bar ekendigin jetkizgen edi. «Astanada ótetin «EXPO-2017» Halyqaralyq kórmesi aıasynda tıisti ınfraqurylymnyń salynatyndyǵyn eskersek, 2018 jylda bul jerde Búkilálemdik shahmat olımpıadasyn uıymdastyrýǵa tolyq múmkindik bar», - dedi K.Ilıýmjınov.
