2018 jyly Almaty úıleriniń 3D kartasy jasalady
ALMATY. QazAqparat - 2018 jyly Almatyda ár úıdiń 3D kartasy jasalady, dep habarlaıdy QazAqparat tilshisi.
Bul týraly qalalyq Sáýlet jáne qala qurylysy basqarmasy basshysynyń orynbasary Almashan Ahmedjanov Qoǵamdyq keńeste ótken jıyn barysynda málimdedi.
«2016 jyly qalanyń ınvestıtsııalyq kartasy jasaldy. Bul jobany ekinshi deńgeıli bankter jaqsy paıdalanady. Nesıe beretin kezde bankter nysannyń qyzyl jolaqta turǵan turmaǵanyn karta arqyly tekseredi. Aqparattyń 85%-y qol jetimdi, almaty.genplan.kz saıtynan kórýge bolady. 2018 jyly Almatynyń ár úıiniń 3D-kartasyn jasaımyz. Qazir ol testilik rejımde jumys istep tur. Jyldyń basynda sýretterge jobalaýshylar týraly aqparat qosamyz. Sonymen resýrs tolyq iske qosylady», - dedi ol.
Qazir basqarma 60-80 jyldarda salynǵan úılerdi tekserip jatyr. Qalada mundaı 7 myń úı bar.
«Qazaq Sáýlet jáne qurylys ǴZI kómegimen kóppáterli úılerdiń elektrondy bazasyn jasaý qolǵa alyndy. Kóbinese kásipkerler úıdi qaıta josparlaý kezinde kóptegen kedergige kezigedi. Qazir biz ondaı formatty ınteraktıvti etip jatyrmyz»,- dedi basqarmasy basshysynyń orynbasary.
Sondaı-aq, Almatyda kelesi jyly 16 saıabaq qaıta jóndeýden ótedi.
«Qazanda ortalyqtardaǵy saıabaqtardy jóndeýge baıqaý jarııalaımyz. Tabıǵat resýrstary basqarmasy habarlaǵandaı, qalada 16 saıabaq qaıta jasaýdy talap etedi»,- dedi ol.
Qala ákimdigi baspasóz qyzmetiniń málimetine súıensek, tek ótken jyldyń ózinde ǵana 1,9 mln. sharshy metrden astam turǵyn úı paıdalanýǵa berildi, 2015 jylmen salystyrǵanda 35%-ǵa kóp.
«Elbasynyń tapsyrmasy boıynsha bıylǵy jyldan bastap «Nurly jer» turǵyn úı baǵdarlamasyn júzege asyrý bastalady. Onyń basty maqsaty - taıaýdaǵy 15 jyl ishinde 1,5 mıllıon otbasyn turǵyn úımen qamtamasyz etý. Baǵdarlamaǵa turǵyn úı naryǵyn qoldaýdyń keshendi sharalary engizilgen. Bul, sóz joq, elimizdiń qurylys salasyn damytýǵa jańa serpin beredi. Bizdiń negizgi mindetimiz - almatylyqtardyń turǵyn úı máselesin sheshý. «Nurly jer» baǵdarlamasyn júzege asyrý barysynda 73 úı salynýda, onyń 24-iniń qurylysy bıylǵy jyly aıaqtalady», - dedi B.Baıbek.
Qala basshysy 2015 jyldan bastap qurylys salasyna quıylǵan ınvestıtsııa kóleminiń 17%-ǵa artqanyn aıtty. Tek bıylǵy jyldyń birinshi jartyjyldyǵynda qurylys salasyna 235 mlrd. teńge ınvestıtsııa bólingen.
Búginde Almatyda turǵyn úı jáne azamattyq baǵyttaǵy 1140 obektiniń qurylysy júrip jatyr, bulardyń ishinde 762 qurylys jeke ınvestıtsııa arqyly, al 378 nysan bıýdjet arqyly qarjylandyrylýda. Memlekettik baǵdarlamalar aıasynda 2016-2017 jyldary ákimdik tarapynan 1040 páterli 19 turǵyn úı salyndy. «Qoljetimdi baspana - 2020» baǵdarlamasy boıynsha bıyl «Saıaly», «Jas Qanat» yqshamaýdandarynda taǵy 17 turǵyn úıdi iske qosý josparlanǵan. «Eski úılerdi súrý» qalalyq baǵdarlamasy boıynsha 3 jańa úı salynyp, eski úılerdiń turǵyndary jańa qonysqa kóshirildi. Búgingi kúni zamanaýı yqshamaýdanǵa aınalǵan Atletter aýylynan 1748 otbasy páter aldy. Naýryzbaı aýdanynda sońǵy jyldary qurylys keń qanat jaıýda.
Bıylǵy jyly bilim berý júıesiniń 42 nysanynyń qurylysyn salý jáne seısmıkalyq qýatyn nyǵaıtý qarastyrylǵan. Onyń 29 obektisi bıyl iske qosylady. Densaýlyq saqtaý salasynyń 18 obektisi salynýda jáne jóndelýde. Jyl aıaǵyna deıin 10 nysan paıdalanýǵa beriledi.
