2018 jyly Aqkól, Qyzyláýit, Úsharal aýyldary gazdandyrylady - Jambyl oblysy
ASTANA. QazAqparat - 2018 jyly Jambyl oblysy Talas aýdanyna qarasty Aqkól, Qyzyláýit, Úsharal aýyldaryna gaz tartylady. Bul týraly oblys ákiminiń Talas aýdanyna jasaǵan jumys sapary kezinde belgili boldy. Qazir atalmysh úsh eldi mekenge gaz qubyryn jetkizý boıynsha jobalyq smetalyq qujattar ázirleý úshin tıisti qarjylar bólindi, dep habarlaıdy oblystyq ákimdiktiń baspasóz qyzmeti.
Eske sala keteıik, keshe oblys ákimi Kárim Kókirekbaev Talas aýdanynda arnaıy jumys saparymen bardy. Іssapar barysynda aımaq basshysy aýdannyń áleýmettik-ekonomıkalyq, óndiristik nysandarynda bolady. Atap aıtqanda, Aqkól-Saýdakent tas jolynan Qyzyláýit aýyldyq okrýgine qarasty Aqtóbe eldi mekenine deıingi 3 shaqyrym tas joldyń jaǵdaıyn kórý, osy eldi mekendegi «Aqtóbe» meshiti men bastaýysh mekteptiń jaǵdaıymen tanysty. Sonymen qatar, Úsharal aýylyndaǵy jańadan paıdalanýǵa berilgen sport alańyn jáne sport kesheniniń qurylysy josparlanǵan oryndy kórdi.
Jumys sapary barysynda oblys basshysy «Qarataý PRO» JShS-i, «Jambyl Nedr» JShS-niń jumys qarqyndarymen jáne Qarataý qalasyndaǵy paıdalanýǵa beriletin 3 móltek aýdandaǵy №51 kópqabatty turǵyn úıdiń jumysymen tanysty.
