2018 jyly 140 áleýmettik shıelenistiń aldy alyndy - Bas prokýratýra

ASTANA. QazAqparat - 2018 jyly 140 áleýmettik shıelenistiń aldy alyndy. Mundaı derek QR Bas prokýratýrasynyń keńeıtilgen alqa otyrysynda aıtyldy, dep habarlaıdy QazAqparat tilshisi.

Vedomstvonyń málimetinshe, prokýrorlardyń aktilerimen memleketke 34 mlrd teńgeniń orny toltyrylyp, 21 mlrd teńgeniń múlki qaıtaryldy. 2,4 mlrd teńgeniń eńbekaqy bereshegi óteldi. Memleket qoryna 7 mlrd teńgeniń jer ýchaskeleri qaıtaryldy. Sondaı-aq 21 mlrd teńgege halyqqa ótemaqysyn tóletýmen elektr energııasy men jylý tarıfteri azaıtyldy. Qabyldanǵan sharalardyń nátıjesinde shamamen 140 áleýmettik shıelenistiń aldy alyndy.

Kólik prokýrorlarynyń kúshi avıatsııa, temir jol jáne avtomobıl kólikteri salasyndaǵy qaýipsizdikti qamtamasyz etýge shoǵyrlandy. Osy baǵytta memleket múddesine 6,4 mlrd teńgege iri materıaldyq zalal keltirýdiń joly kesildi. Profılaktıkalyq sharalarmen áskerı saladaǵy qylmystylyq 12 paıyz azaıdy.

Sonymen qatar alqa otyrysynda prokýrorlarǵa ústimizdegi jyly azamattardy aqysyz medıtsınalyq kómektiń kepildendirilgen kólemimen qamtamasyz etý, gaz jáne sýmen jabdyqtaýdyń tarıfin belgileý, halyqtyń áleýmettik-qaýqarsyz toby - balalar, múgedekter, zeınetkerler men basqalarynyń quqyǵyn qorǵaý salalaryndaǵy zańdylyqty saqtaý máselesin tekserý tapsyrylǵan.

«Bizdiń árbir tekserýimizdiń nátıjeleri halyq turmysynyń sapasyn arttyrýy jáne áleýmettik problemalardyń alǵysharttaryn sheshýi tıis», - dedi otyrysta Qaırat Qojamjarov.

Buǵan deıin 2018 jyly prokýrorlardyń kómegimen zańsyz ustalǵan 766 azamattyń bostandyqqa shyqqanyn habarlanaǵa bolatyn.