2018 jylǵy Olımpıada oıyndarynda Reseı ánurany men týyn qoldanýǵa tyıym salynady

ASTANA. QazAqparat - Reseı quramasy 2018 jyly Ońtústik Koreıanyń Phenchhan qalasynda ótetin HHІІІ qysqy Olımpıada oıyndaryna óz elderiniń atynan qatysa almaıdy, dep habarlaıdy QazAqparat.

Halyqaralyq Olımpıada komıteti Lozannada (Shveıtsarııa) ótken arnaıy otyrysta osyndaı sheshim qabyldap, resmı saıtynda jarııalady. 

Osyǵan deıin HOK Reseıdi 2014 jylǵy Sochı Olımpıadasy kezinde dopıng synamalaryn aýystyrdy dep aıyptaǵan. Sondaı-aq, Reseıdiń Olımpıadalyq komıtetine 15 mıllıon dollar aıyppul saldy.

Endi Reseı quramasy Ońtústik Koreıanyń Phenchhan qalasynda ótetin qysqy Olımpıada oıyndarynda jarysqa OAR (Olympic Athlete from Russia) degen ataýmen Olımpıada týy astynda qatysa alady. Aq Olımpıada kezinde olarǵa Reseı ánurany men týyn qoldanýǵa tyıym salynady.

Esterińizge sala keteıik, Phenchhandaǵy qysqy Olımpıada oıyndary  9-28 aqpan aralyǵynda ótedi.