2018 jylǵy qysqy Olımpıada Ońtústik Koreıanyń Phenchhan qalasynda ótetin boldy
ASTANA. 8 shilde. QazAqparat - Ońtústik Koreıanyń Phenchhan qalasy 2018 jylǵy qysqy Olımpıadany ótkizý quqyǵyna ıe boldy, dep habarlaıdy VVS telekompanııasy.
Phenchhan nemistiń Mıýnhen qalasy men frantsýzdyń Ansı kýrortyn basyp ozdy.
Ońtústik Koreıa Prezıdenti Lı Men Bek Phenchhan qalasynyń ótinishin tanystyrý kezinde, 2018 jylǵy Olımpıada oıyndaryn uıymdastyrýshylarǵa úkimet tarapynan mindetti túrde qoldaý kórsetýge ýáde berdi.
«Phenchhan-2018 - Koreıa úkimeti úshin ulttyq basymdyq jáne sońǵy 10 jyl boıy solaı bolyp keledi», - dedi Ońtústik Koreıa Prezıdenti óz sózinde.
Osymen óz kandıdatýrasyn úshinshi ret usynyp otyrǵan Phenchhan, buǵan deıin 2010 jylǵy Olımpıada oıyndaryn ótkizý quqyǵyn - Vankýverge, 2014 jylǵy Olımpıadany ótkizý quqyǵyn - Sochıge berip alǵan edi.
