2018 jylǵy birinshi jartyjyldyqta ınflıatsııa 2,6 paıyz boldy
ASTANA. QazAqparat - 2018 jylǵy birinshi jartyjyldyqta ınflıatsııa 2,6 paıyz boldy. Bul týraly búgin Úkimet otyrysynda QR Ulttyq banki tóraǵasy Danııar Aqyshev aıtty, dep habarlaıdy QazAqparat tilshisi.
«2018 jylǵy birinshi jartyjyldyqta ınflıatsııa 2,6 paıyz boldy. Bul ótken jylǵy osyndaı kezeńdegi kórsetkishterden tómen. Jyldyq ınflıatsııa ótken jyldyń sońyndaǵy 7,1 paıyzben salystyrǵanda maýsymda 5,9 paıyzǵa deıin baıaýlady. Osylaısha, ınflıatsııa deńgeıi 2018 jylǵa arnalǵan 5-7 paıyzdyq nysanaly dálizge sáıkes keledi», - dedi ol.
Ulttyq bank basshysynyń aıtýynsha, ınflıatsııalyq kútýlerdiń tómendeýi baıqalady. Halyq arasynda júrgizilgen saýalnama nátıjeleri boıynsha bir jyl alǵa kútiletin ınflıatsııany sandyq baǵalaý jyl basyndaǵy 7,1 paıyzdyq mánnen tómendep, 6 paıyz deńgeıinde boldy.
«Inflıatsııalyq protsesterdiń baıaýlaýy jáne osy úrdistiń orta merzimdi perspektıvada saqtalýyn baǵalaý bazalyq mólsherlemeni tómendetýdiń negizgi faktorlarynyń biri. Aǵymdaǵy jyldyń basynan bastap ol 4 ret 10,25 9 paıyzǵa deıin tómendetildi», - dedi Danııar Aqyshev.
