2018 jylǵy 1 qazannan keıin bereshegi bar kásipkerler de salyq raqymshylyǵyn paıdalanady
«Salyq raqymshylyǵy qazirgi kezde 2018 jylǵy 1 qazannan keıingi kezeńde qosymsha salyq esebi 2018 jylǵy 1 qazanǵa deıingi salyq kezeńine berilgen salyq tóleýshilerge júrgiziledi. Salyq raqymshylyǵyna qatysýshylardyń tizimin keńeıtýge oraı ony 48 salyq tóleýshi qoldandy, olarda 228,8 mln teńge ósimpul somasy jáne 111,8 mln teńge aıyppul somasy esepten shyǵarylǵan. Negizgi qaryzdyń tólengen somasy 677 mln teńgeni quraıdy», delingen habarlamada.
Memlekettik kirister komıteti elimizde jyldyń aıaǵyna deıin shaǵyn jáne orta kásipkerlik sýbektilerine arnalǵan salyq raqymshylyǵy júrgizilip jatqanyn eskertedi.
Shaǵyn jáne orta kásipkerlik sýbektilerine arnalǵan raqymshylyqqa oraı 2018 jylǵy 1 qazandaǵy jaǵdaı boıynsha salyq bereshegin tólegen jaǵdaıda, ósimpul jáne aıyppul somalary esepten shyǵarylady. Osy týraly QR QM MKK Bereshektermen jumys baqarmasy basshysynyń orynbasary N.Nurtazına habarlady.
Onyń aıtýynsha, búgingi kúnde 42 114 salyq tóleýshi bereshekti barlyǵy 8,0 mlrd teńge tólegen, olardyń 2,4 mlrd teńge ósimpuly men 190 mln teńge aıyppuly esepten shyǵarylǵan.
«Sonymen qatar, Qarjy mınıstriniń 2019 jylǵy 6 tamyzdaǵy № 829 buıryǵymen Qarjy mınıstriniń 2018 jylǵy 27 aqpandaǵy № 306 buıryǵymen bekitilgen Jeke shottardy júrgizý qaǵıdalaryna qosymshalar engizilgenin atap ótemiz. Osyǵan sáıkes salyq raqymshylyǵy sondaı-aq salyq tekserý nátıjesinde salyq jáne basqa da mindetti tólemder 2018 jylǵy 1 qazanǵa deıingi salyq merzimine eseptelgen, biraq tekserý nátıjeleri týraly habarlama shaǵymdanýǵa nemese tekserý nátıjeleri týraly habarlamany oryndaý merzimi kelmeýine sáıkes 2018 jylǵy 1 qazandaǵy jaǵdaı boıynsha bereshegi joq bolǵan salyq tóleýshilerge júrgiziledi», - dedi N.Nurtazına.
Budan basqa, jeke shottardy júrgizý qaǵıdalaryna qosymshalar engizýge sáıkes salyq raqymshylyǵy 2018 jylǵy 1 qazannan keıingi kezeńde 2018 jylǵy 1 qazanǵa deıingi salyqtyq kezeńine qosymsha salyq esebin tapsyrǵan salyq tóleýshilerge júrgiziledi.
Bul rette salyq esebi boıynsha aıyppul somasyn esepten shyǵarý tek ony 2019 jylǵy 1 shildege deıin tólemegen jaǵdaıda júrgiziledi, onda ýaqytynda tólengen aıyppul somasy raqymshylyqqa jatpaıdy.
Qostanaı oblysynda jeke kásipker 2018 jylǵy 1 qazanǵa deıingi salyq merzimine qosymsha salyq esebin tapsyrǵan jáne salyq boıynsha negizgi qaryzy 757,1 mln teńge tólengen, osyǵan oraı salyq tóleýshige barlyǵy 332 mln teńge bereshegi esepten shyǵarylǵanyn.
«Salyq raqymshylyǵy jyldyń aıaǵyna deıin uzartylǵanyna salyq tóleýshilerdiń nazaryn aýdaramyz, osyǵan oraı, salyq tóleýshilerdi bar múmkinshilikti qoldanýǵa jáne memlekettiń aldynda negizgi qaryzdy óteýge shaqyramyz, bul eseptelgen ósimpul men aıyppuldan qutylýǵa múmkindik beredi.
Salyq tóleýshiler salyq boıynsha bereshegi bar/joqtyǵyn myna siltemeden bile alatynyn eskertemiz», delingen habarlamada.
