2018 jylǵa qaraı jumysshy mamandyqtary tapshy bolady - D.Arǵandyqov
ASTANA. QazAqparat - 2018 jylǵa qaraı elimizde jumysshy mamandyqtary barynsha tapshy bola túspek. Bul týraly búgin bilim berý qyzmetkerleriniń respýblıkalyq tamyz keńesinde QR Densaýlyq saqtaý jáne áleýmettik damý vıtse-mınıstri Dáýlet Arǵandyqov málim etti.
«Baǵalaýlarǵa sáıkes 2018 jylǵa deıin tehnıkalyq jáne kásibı bilim berýdiń jumysshy mamandyqtary barynsha tapshy bolmaq. Barynsha talap etiletin 20 kásiptiń jartysynan kóbine taý-ken jumysshysy, qurylysshy, júrgizýshi, mehanık syndy mamandyqtar jatady», - dedi ol.
Onyń sózine qaraǵanda, 2014-2018 jyldary aralyǵyndaǵy jumysshy kúshine suranystyń jalpy jıyntyq sany shamamen 700 myń adamdy quramaq.
«Buǵan qosa, ekonomıkalyq turǵyda belsendi halyq sanynyń ósimi 400 myń adamnan asyp jyǵylady», - dedi D.Arǵandyqov.
