2018 jylǵa qaraı Qazaqstanda AHAT-tyń tolyqtaı elektrondy muraǵatyn qalyptastyrý josparlandy

ASTANA. QazAqparat - 2018 jylǵa qaraı Qazaqstanda AHAT-tyń tolyqtaı elektrondy muraǵatyn qalyptastyrý josparlanyp otyr. Bul týraly QR Ádilet mınıstrliginen habarlandy.

«Elektrondy muraǵatty qurý qujattardy alý úderisin túbegeıli ózgertip, adamdardyń ýaqyty men qarjysyn únemdeıdi, sondaı-aq jalpy halyqqa usynylatyn qyzmetterdiń sapasyn arttyrady»,-deıdi mınıstrlik mamandary.
Búginde AHAT jelisi boıynsha osy baǵyttaǵy jumystar birqatar óńirde aıaqtalǵan kórinedi. Atap aıtqanda, elektrondy muraǵat júıesi Astana men Almaty qalalarynda, Aqmola, Qaraǵandy, Shyǵys Qazaqstan, Atyraý, Soltústik Qazaqstan jáne Ońtústik Qazaqstan oblystaryndaǵy ádilet departamentterinde júzege asyryldy.