2018 jyldyń úzdik fılmi anyqtaldy
ASTANA. QazAqparat - Amerıkada jyl saıyn ótetin People's Choice Awards syılyǵynyń «2018 jyldyń úzdik fılmi» atalymynda kórermender Marvel stýdııasy shyǵarǵan «Kek alýshylar: Sheksizdik soǵysy» fılmine daýys berdi. Bul týraly Enews portaly habarlaıdy.
Syılyqtyń ózge de atalymdarynyń úzdikteri anyqtaldy. Kórermen qalaýy boıynsha, Djeıms Foýlıdiń «Erkindiktiń elý reńki» kartınasy - úzdik drama, rejısser Sýzanna Fogeldiń «Meni laqtyrǵan tyńshy» fılmi - úzdik komedııa, «Sýperotbasy 2» mýltfılmi - úzdik otbasylyq fılm atandy.
Kınosúıer qaýym «Qara pantera» fılminiń bas keıipkeri Chedvık Boýzmandy úzdik akter dep tanysa, Skarlett Iohanssondy bıyldyń úzdik aktrısasy retinde moıyndady.
