2018 jyldyń úsh aıyna jetetin dári-dármekter satyp alyndy - DSM
«Birinshi toqsannyń ózinde tegin dárilik qamtamasyz etý úshin jalpy preparattardyń 874 ataýy satyp alyndy. 90 kúndik qajettilikti qamtamasyz etý úshin 13,3 mlrd teńge bolatyn 328 túrli dári-dármek pen medıtsınalyq maqsattaǵy buıymdar satyp alyndy. Olar 2018 jyldyń birinshi toqsanynda eldiń medıtsınalyq mekemelerine jetkiziledi», delingen habarlamada.
Preparattarǵa eń tómengi baǵa usynatyn 24 kompanııa 2018 jyldyń qańtar aıynyń basynda Biryńǵaı dıstrıbıýtordyń qoımalaryna dárilik zattardy jetkizýdi bastaıdy. Baǵany tómendetý jónindegi kelissózderdiń qorytyndysy boıynsha Biryńǵaı dıstrıbıýtor 1,7 mlrd teńgege jeńildikke qol jetkizdi. Aýrýhanalar bul aqshany qosymsha dárilerge jumsaı alady.
Aıta ketý kerek, qazirgi kezde dári-dármekter otandyq óndirýshilermen, tikeleı kelisimsharttar boıynsha sheteldik óndirýshilerden jáne tender arqyly satyp alynǵan kelisimsharttar aıasynda SK-Farmatsııa qoımalaryna jetkizile bastady.
Dári-dármekterdiń taǵy 15 túri halyqaralyq uıymdar - ıÝNISEF pen BUU DB kelisimshartty boıynsha jetkiziledi. Osylaısha, búgingi kúni dári-dármektiń 881 túri satylyp alyndy.
Qazaqstandyqtardy dári-dármekpen qamtamasyz etýde kidiris bolmaýy úshin, Úkimet Biryńǵaı dıstrıbıýtordyń satyp alý rásimderin retteıtin qaǵıdalaryna ózgertý engizý týraly sheshim qabyldady, oǵan dárilik zattardyń úsh aılyq qajettiligin bir kózden satyp alý múmkindik bere otyryp - mundaı rásimder qazaqstandyq naýqastar úshin tegin dáriler qol jetimdi bolýyna qysqa merzimde satyp alýdy júzege asyrýǵa múmkindik beredi. Úkimet qaýlysy búgingi kúni kúshine endi jáne Biryńǵaı dıstrıbıýtor satyp alý rásimderiniń bastalýyn dereý jarııalady.