2018 jyldyń eń úzdik sportshysy ataǵy kimge buıyrady
ASTANA. QazAqparat - Qazaqstannyń Ulttyq Olımpıadalyq Komıteti Ulttyq sporttyq júlde - 2018 úmitkerlerine daýys berý jalǵasyp jatqanyn málim etti, dep habarlaıdy QazAqparat tilshisi.
Jankúıerler óziniń súıikti sportshysyna 19 qarasha men 3 jeltoqsan aralyǵynda Qazaqstan UOK resmı saıty Olympic.kz arqyly daýys bere alady.
Daýys berý toǵyz nomınatsııa boıynsha júzege asýda.
«Jazǵy sport túri boıynsha úzdik sportshy» ataǵyna birneshe sportshy qatysýda. Olardyń arasynda grek-rım kúresiniń sheberleri Aıdos Sultanǵalı men Nurıslam Sanaev, velosportshy Alekseı Lýtsenko, semserlesý sportynyń sheberi Dmıtrıı Aleksanın, dzıýdoshy Erjan Serikjanov jáne jeńil atlet Olga Rypakova bar. Eń kóp daýysqa ázirge Alekseı Lýtsenko ıe. Onyń enshisinde 7539 upaı bar.
«Qysqy sport túri boıynsha úzdik sportshy» ataǵyna úsh sportshy úmitker. Olar - bıatlonshy Galına Vıshnevskaıa, mánerlep syrǵanaýshy Elızabet Tursynbaeva jáne Phenchhanda ótken qysqy Olımpıada oıyndarynyń qola júldegeri ıÝlııa Galysheva. Qazirge úsh sportshydan eń kóp daýysty ıÝlııa Galysheva jınaǵan (2722).
Al «Úzdik jas sportshy» atalymy boıynsha bes sportshy synǵa túsip jatyr. Olar - boksshy Aıbek Oralbaı, kórkem gımnastıka sheberi Alına Ádilhanova, sýda júzý sportynan Ádilbek Mýsın, dzıýdoshy Bekarys Sádýaqas jáne baıdarka men kanoe esý sportynan Dıas Bahraddınge daýys bere alasyzdar. Ázirge bul atalym boıynsha Ádilbek Mýsın 1725 daýyspen kósh bastap keledi.
Sonymen qatar «Jazǵy sport túri boıynsha úzdik bapker», «Qysqy sport túri boıynsha úzdik bapker», «Olımpıadalyq sport túri boıynsha úzdik ulttyq sporttyq federatsııa», «Úzdik sporttyq aımaq» (oblystar men respbýlıkalyq mańyzy bar qalalardaǵy jáne astanadaǵy dene shynyqtyrý jáne sport basqarmasy), «Jyl tańdaýy», «Jyldyń úzdik komandasy» atalymdary boıynsha da daýys berýge bolady.
Qazaqstan UOK eki aıǵa jýyq ýaqyt ishinde olımpıadalyq sport túrleri boıynsha ulttyq federatsııalardan ótinim qabyldap, Sport dırektsııasy úmitkerlerdiń tizimin jasaqtady.
Baıqaý 2018 jyldyń 4 jeltoqsany kúni Ulttyq sporttyq júldeni saltanatty túrde tabystaý rásiminde qorytyndylanady. Júldeniń televızııalyq nusqasyn «Qazaqstan» jáne «Qazsport»arnalary kórsetedi.
