2018 jyldyń eń qaýipsiz kólikteri qandaı
ASTANA. QazAqparat - Insurance Institute for Highway Safety 2018 jyldyń eń qaýipsiz kólikter modelin anyqtady. Bul týraly uıymnyń saıty habarlaıdy.
Insurance Institute for Highway Safety uıymy jasaǵan reıtıngke súıensek, 2018 jyldaǵy eń qaýipsiz kólikter modeli retinde BMW 5-Series, Genesis G80, Toyota Camry avtomobılderi tańdalyp alynǵan.
Jolaýshylar men balalardy senimdi qorǵaı alatyn eń qaýipsiz kólik retinde «altyndy» BMW alsa, myqty shanaq jáne betpe-bet soǵylý qaýpin eskertý júıesimen qamtamasyz etilgen úzdik mashına retinde «kúmis» Genesis G80 kóligine buıyrdy. Al Toyota Safety Sense qaýipsizdik júıesi úshin Toyota Camry «qolaǵa» qol jetkizdi.
Sarapshylar atalmysh reıtıngti jasaǵan kezde krash-test nátıjelerine súıengen.
Sonymen birge, úzdik ondyqqa E-klasty Mercedes-Benz GLC jáne Mercedes-Benz, Subaru Impreza, Subaru Outback, KIA Soul, KIA Cerato, Hyundai Santa Fe Sport kólikteri kirdi
