2018 jyldyń 11 aıynda Qazaqstannan shetelge 6,7 mlrd dollar aqsha aýdaryldy
Bank málimetinshe, 2018 jylǵy qańtar-qarasha aralyǵyndaǵy kezeńde jeke tulǵalar Qazaqstannan 2 322,1 mlrd teńge (6,7 mlrd AQSh dollary) somaǵa 39, 8 mln tólemder men aýdarymdar jiberdi. 2017 jylǵy osyndaı kezeńmen salystyrǵanda operatsııalardyń sany 57,1 paıyzǵa ósti, al soma tıisinshe 12,8 paıyzǵa tómendedi.
Operatsııalardyń basym kólemi 777,1 mlrd teńge somadaǵy óteýsiz aqsha aýdarymdaryna tıesili boldy. Olardyń úlesi Qazaqstannan jibergen tólemder men aqsha aýdarymdarynyń jalpy kóleminiń 33,5 paıyzyn qurady. Basqa tólemder men aqsha aýdarymdarynyń úlesi mynadaı: taýarlar úshin 767,5 mlrd teńge nemese jalpy kólemniń 33,1 paıyz; óziniń banktik shottary arasyndaǵy aýdarymdar 340,5 mlrd teńge (jalpy kólemniń 14,7 paıyzy); kórsetiletin qyzmetter úshin tólemder 187,2 mlrd teńge (jalpy kólemniń 8,1%), onyń 71,5 mlrd. teńge (38%) kásibı, ǵylymı jáne tehnıkalyq kórsetiletin qyzmetter úshin, 32,5 mlrd. teńge (17,3%) bilim berý qyzmeti úshin, 28,7 mlrd. teńge (15,3%) qonaq úıler men meıramhanalar qyzmetteri úshin.