2018 jyldyń 1-toqsanynda Baıqońyrdan eki zymyran ushyrylady
BAIQOŃYR. QazAqparat - «Roskosmos» memlekettik korporatsııasynyń komıssııasy 2018 jyldyń qańtar-naýryz aılaryna arnalǵan Baıqońyr ǵarysh aılaǵynan ǵarysh apparattarynyń ushý josparyn ázirledi, dep habarlaıdy «QazAqparat» HAA tilshisi Reseı ǵarysh vedomstvosynyń baspasóz qyzmetine silteme jasap.
Halyqaralyq ǵarysh stansasynyń (HǴS) baǵdarlamasy boıynsha 2018 jyldyń alǵashqy toqsanynda Baıqońyrdan eki zymyran ushyrý josparlanyp otyr.
11 aqpan kúni «Progress MS-08» kólik-júk ǵarysh kemesine start beriledi. 15 naýryzda Baıqońyrdan «Soıýz MS-08» basqarylatyn kólik kemesi kezekti ekspedıtsııany alyp, HǴS orbıtasyna shyǵady.
Budan tys, «Roskosmos» Federaldyq ǵarysh baǵdarlamasyna, kommertsııalyq baǵdarlamalarǵa sáıkes, 2018 jylǵy qańtar-naýryz aılarynda basqa ǵarysh aılaqtarynan taǵy da eki zymyran ushyrýdy josparlaǵan.
Ushýy keıinge qaldyrylǵan «Soıýz-2.1a» tasyǵysh zymyrany «Kanopýs-V» №3 jáne №4 apparattaryn alyp, Vostochnyı ǵarysh aılaǵynan 1 aqpan kúni ushady.
1 naýryzda Gvıana ǵarysh ortalyǵynan O3b F4 ǵarysh apparaty tıelgen «Soıýz ST-B» tasyǵysh zymyranyna start berilýi tıis.
