2018 jyldan memlekettik qyzmetkerler jalaqysyn baldyq mejemen alady
Bul týraly búgin QR Parlamenti Senatyndaǵy dóńgelek ústelde QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova málim etti, dep habarlaıdy QazAqparat.
«Nátıje boıynsha eńbekti tóleýdi engizý tetikteriniń biri retinde 2018 jyly faktorly-baldyq meje bolmaq. Qoldanystaǵy tarıftik kesteden aıyrmashylyǵyna toqtalatyn bolsaq, faktorly-baldyq júıe oryndalatyn qyzmettiń aýqymyn, jaýapkershiligin jáne kúrdeligin eskere otyryp, tólem júıesin túzedi»,-dedi A. Shaıymova.
Onyń sózine qaraǵanda, qazirgi kezde jumys nátıjesi úshin jaýapkershilikti arttyrý úshin memlekettik qyzmetkerdiń jumysynyń tıimdiligin baǵalaý júıesi engizildi.
«A» korpýsyndaǵy memlekettik qyzmetkerdiń jumysyn baǵalaý jyl saıynǵy kelisim basymdyqtaryn júzege asyrýǵa negizdelgen «A» korpýsy qyzmetkerin alǵashqy baǵalaý bıyldyń jeltoqsanynda júrigiziledi.
«B» korpýsy memlekettik qyzmetkeriniń jumysy jeke jospar kórsetkishteri jetistikteriniń negizinde toqsan saıyn baǵalanady. Bıyl eki aralyq baǵalaý iske asyrylyp, bul rette tıisti nátıjeler aıqyndaldy.
A. Shaıymovanyń sózine qaraǵanda, bundaı baǵalaýdan 64,5 myń qyzmetker ótken kórinedi. Osy rette «óte jaqsy» baǵasyn memlekettik qyzmetkerlerdiń 63 paıyzy, «jaqsy» kórsetkishin - 11 paıyzy, al «qanaǵattanarlyq» baǵasyn qyzmetkerlerdiń 26 paıyzy aldy.