2018 jyldan bastap suıytylǵan gaz elektrondy bırja arqyly ótkiziledi
«Aldaǵy jyldary munaı ónimderiniń barlyq túrlerin elektrondy saýda alańdary arqyly ótkizýdi josparlap otyrmyz. Birinshi kezekte suıytylǵan gazdy satýdan bastamaqpyz»,-dedi mınıstr.
Bozymbaevtyń túsindirýinshe, suıytylǵan gaz boıynsha Ortalyq Azııa jáne Reseıdegi eksporttyq baǵa arasynda jáne ishki naryqtardaǵy baǵada 5-7 esege aıyrmashylyq bar kórinedi. Sondyqtan ýaqyt óte kele keıde ishki naryqta aýytqýlar baıqalyp, kóleńkeli eksport arta túsedi.
«Suıytylǵan gaz naryǵyna zańdastyrý júrgizý qajet dep esepteımiz. Bul óz kezeginde úlestirýdiń ashyqtyǵyn qamtamasyz etip, kásipkerlikte memlekettiń qatysýyn yqshamdaıdy. Búginde suıytylǵan gazdy úlestirý tetigine Energetıka mınıstrliginiń, oblystyq ákimdikterdiń sheneýnikteri, oǵan qosa gaz óńdeýshi zaýyttardyń basshylary jumyldyrylǵan. Júıe aıtarlyqtaı ashyq emes»,-dedi vedomstvo basshysy.
Onyń aıtýynsha, jyl sońyna deıin zańnamaǵa tıisti túzetýler engizilip, 2018 jyldan bastap elektrondy alańdar arqyly gazdy ótkizý máselesi eskerilýde.
