2018 jyldan bastap sportty qarjylandyrý men basqarýdyń júıesi jetildiriledi
ASTANA. QazAqparat - Astanada elimizdiń Ulttyq Olımpıadalyq komıteti korporatıvtik qujattaryn túsindirý, dene shynyqtyrý jáne sport týraly Qazaqstan Respýblıkasynyń jańa zańnyń qabyldanýyna oraı ary qaraı qarym-qatynas máseleleri jóninde sporttyq federatsııalarmen jınalys ótkizdi, dep habarlaıdy QazAqparat tilshisi.
Olımpıadalyq sport túrleri boıynsha 33 ulttyq federatsııanyń ókilderi qarjylandyrýdyń jańa formatyn, olımpıadalyq sport túrleri boıynsha oqý-jattyǵý jıyndary men sporttyq sharalardy ótkizý sııaqty suraqtardy qamtıtyn jumys júrgizýdiń jańa erejeleri men reglamentterin talqylaýǵa belsene qatysty.
2018 jyldyń qańtarynan bastap sportty qarjylandyrý men basqarýdyń júıesi jetildiriletin bolady. Qabyldanǵan zańnamalyq normalar eń ozyq sheteldik tájirıbelerge súıengen elimizdiń sporty úshin tyń ózgeris bolyp otyr.
QR UOK memlekettik tapsyrmany oryndaý quqyǵynyń berilýi ulttyq federatsııalarǵa olımpıadalyq sport túrleri boıynsha ulttyq qurama komandalardy qarjylandyrýdy júrgizý men josparlaýǵa tolyqqandy qatysýǵa múmkindik beredi.
QR UOK bas dırektory Serik Qasqabasov ózekti ári mańyzdy máselelerdi talqylaýǵa qatysqany úshin federatsııalarǵa alǵys bildirdi:
«Búginde QR UOK Tımýr Asqaruly Qulybaevtyń jetekshiligimen olımpıadalyq sportty damytýda jańasha tásildemeni júzege asyrýda. Usynylǵan qujattar jobasy odan da tıimdi jumys jasaýdy maqsat etedi. Federatsııalardyń jańa erejelerdi talqylaýǵa belsene qatysýy bizdi qýantady. Óıtkeni olımpıadalyq sport túrlerin damytýdaǵy tolyqqandy qarym-qatynas osyǵan baılanysty».
Federatsııa ókilderi qarjylandyrý modeli, sporttyq sharalar kezindegi qarym-qatynas sııaqty túrli máseleler boıynsha óz usynystary men eskertýlerin ortaǵa saldy.
Jıynǵa qatysýshylar korporatıvtik qujattardyń jobasyn ári qaraı jetildirý úshin sporttyq federatsııalar atynan jumys tobyn qurýdy usyndy. Qazaqstandyq shaıbaly hokkeı federatsııasynyń bul bastamasyn jıynǵa qatysýshy ózge de uıymdar biraýyzdan qoldady.
Elimizdiń tennıs federatsııasynyń vıtse-prezıdenti Dıas Dosqaraev QR UOK birlesken jumys úshin alǵysyn bildirip, sportty basqarýdaǵy jańa júıeniń basym jaqtaryn atap ótti: «Biz sportty saralaýdyń jańa júıesiniń qabyldanǵanyna qýanyshtymyz. Ol sportty qarjylandyrýdaǵy ashyqtyqty qamtamasyz etetin bolady».
