2018 jyldan bastap Qazaqstanda pedofılderge hımııalyq kastratsııa jasalady
ASTANA. QazAqparat - Pedofılderge hımııalyq kastratsııa jasaý túrinde jazalaý sharasy 2018 jyldan bastap kúshine enedi. Bul týraly búgin Ortalyq kommýnıkatsııalar qyzmetindegi baspasóz máslıhatynda Іshki ister mınıstrligi Ákimshilik polıtsııa komıtetiniń bólim bastyǵy Áset Ospanov málim etti.
«Pedofılderge qatysty qylmystyq isti tergeý barysynda sot-psıhıatrlyq saraptama taǵaıyndalady, ol óz kezeginde isti adamnyń aýytqýlary boıynsha qorytyndy jasaıdy. Al osy dáıektemeler aıasynda sot tarapy aıypty adamǵa qatysty hımııalyq kastratsııany qoldaný jónindegi sheshim qabyldaıdy, ıaǵnı bul turǵyda qoldanylǵan preparattar jynystyq áýestikti tómendetedi. Atalǵan norma bizde 2018 jyldan bastap iske asyrylady», - dedi Á. Ospanov.
Bıylǵy naýryzda zańnamaǵa balanyń quqyqtaryn qorǵaý máseleleri boıynsha qylmystarǵa jazany kúsheıtýge baǵyttalǵan ózgertýler engizilip, pedofılderge hımııalyq kastratsııa jasaý normasy engizildi.
