10:36, 18 Aqpan 2016 | GMT +5
2018 jyldan bastap Aýrýlardy basqarý baǵdarlamasy barlyq oblystarda engiziledi
ASTANA. QazAqparat - 2018 jyldan bastap Aýrýlardy basqarý baǵdarlamasy barlyq oblystarda engiziledi. Bul týraly búgin Astanada Densaýlyq saqtaý jáne áleýmettik damý mınıstrliginiń keńeıtilgen alqa májilisi barysynda málim boldy.
«2013 jyldan bastap Aýrýlardy basqarý baǵdarlamasy (ABB) eki qanatqaqty tártipte Soltústik Qazaqstan jáne Pavlodar oblystarynyń jeti emhanasynda úsh nozologııa boıynsha engizilgen. ıAǵnı, bul turǵyda arterıaldyq gıpertenzııa, sozylmaly júrek kemistigi jáne qant dıabeti qamtylǵan. Tıimdi tájirıbeni eskere otyryp, ABB-ny júzege asyrý 2016 -2017 jyldar aralyǵynda qosymsha 5 aımaqta, 2018 jyldan bastap Qazaqstannyń barlyq oblystarynda iske asyrylatyn bolady», - deıdi mınıstrlik ókilderi.
Aıta keteıik, Aýrýlardy basqarý baǵdarlamasy «Densaýlyq» memlekettik baǵdarlamasy aıasynda júzege asyrylýda. Bul baǵyt aýrýlardyń asqynýyna jol bermeýge negizdelgen.