2018 jyl - «Baqytty balalyq shaqty qorǵaý» jyly
ASTANA. QazAqparat - QR Іshki ister mınıstrligi 2018 jyldy «Baqytty balalyq shaqty qorǵaý» jyly dep jarııalady. Bul jaıynda atalǵan mınıstrliktiń Memlekettik til jáne aqparat departamentiniń dırektory Almas Sadýbaev Feısbýktegi paraqshasynda jazdy, dep habarlaıdy QazAqparat.
«Biz jańa 2018 jyldy «Baqytty balalyq shaqty qorǵaý» jyly dep jarııaladyq. Mundaı sheshim qoǵamda balalarǵa qarsy quqyqtyqqa qaıshy áreketterdiń oryn alýyna jol bermeý úshin qabyldanyp otyr», - deıdi ol.
Onyń atap ótýinshe, Іshki ister mınıstrligi balalardyń quqyǵyn, olardyń zańdy múddelerin qorǵaýǵa, jasóspirimder arasyndaǵy qadaǵalaýsyzdyq pen quqyq buzýshylyqtyń aldyn alýǵa jiti nazar aýdarady.
«Ótip bara jatqan jylda oń nátıjelerge de qol jetkizildi. Elimizde balalardyń qatysýymen oryn alatyn jol-kólik oqıǵalarynyń sany azaıdy. Ótken jylmen salystyrǵanda qaza tabatyndar sany 18 paıyzǵa kemidi. Jasóspirimder arasyndaǵy qylmystyń tómendeýi de turaqty sıpatqa ıe. Olardyń sany eki esege kemidi», - dedi Almas Sadýbaev.
