2017 jyly Jerdiń alyp asteroıdpen soqtyǵysý qaýpi bar
Bul chelıabilik meteorıtpen salystyrǵanda, áldeqaıda aýqymdy.
TS4 ǵarysh nysany Jerge 2017 jyldyń 12 qazanynda jaqyndaıdy. Asteroıdtyń dıametri - shamamen 40 m. Salystyrý úshin aıta ketsek, chelıabilik meteorıttiń dıametri 17 m bolǵan edi, ol qulaǵan sátte 1,5 myńnan astam adam men 7 myńnan astam ǵımarat zardap shekti. Al TC4-tiń ákeletin zardaby odan da kóp bolýy múmkin.
Qazir mamandar ǵarysh denesiniń Jermen qaqtyǵysýynyń qanshalyqty múmkin ekenin naqtylaý úshin onyń orbıtasyn anyqtaýǵa tyrysyp jatyr. Alaıda Eýropalyq ǵarysh agenttiginiń astronomdary mundaı jaǵdaıdyń mıllıonǵa shaqqanda nebári bir ǵana yqtımaldyqty quraıtynyn aıtyp, sabyrǵa shaqyrýda. Bul pikirdi NASA da bólisip otyr.
Aıta keteıik, búginde astronomdar Jerge qaýip tóndirýi múmkin 1,5 myńnan astam asteroıdty anyqtady. 2013 jyly 15 aqpanda Chelıabide meteorıt qulaǵannan keıin birqatar elderde ǵaryshtyń osyndaı alapattarynan qorǵaný qajettigi máselesi qozǵalǵan edi.
