2017 jyly jeke turǵyn úı qurylysyna 40 myń jer telimi beriledi
ASTANA. QazAqparat - Búgin QR Parlamenti Májilisiniń jalpy otyrysynda QR Investıtsııalar jáne damý mınıstri Jeńis Qasymbek bıyl Qazaqstanda jeke turǵyn úı qurylysyna qansha jer ýchaskesi beriletinin aıtty, dep habarlaıdy QazAqparat.
Jalpy, «Nurly jer baǵdarlamasyn júzege asyrýǵa152 mlrd. teńge bólinetinine toqtalǵan mınıstr, onyń ishinde basym bóligi ınjenerlik ınfraqurylymdy tartýǵa arnalǵanyn atap ótti. Osy maqsatqa 86 mlrd. teńge eskerilip otyrǵan kórinedi.
«Osynyń aıasynda aǵymdaǵy jyly jeke turǵyn úı qurylysyna 40 myńǵa jýyq jer telemin berý josparlanyp otyr»,-dep naqtylady J. Qasymbek.
Aıta keteıik, jalpy otyrys barysynda depýtattar tarapynan jeke turǵyn salýǵa 10 sotyq kóleminde azamattarǵa jer telimin bólý máselesi kóterilgen bolatyn. Sebebi, depýttardyń óńirlerge sapary barysynda turǵyndar tarapynan atalǵan taqyryp jıi aıtylǵan.
