2017 jyly Jansaıa Ábdimáliktiń shahmat akademııasy Mańǵystaý jáne Qaraǵandy oblystarynda ashylmaq
ASTANA. QazAqparat - Shahmattan memleketaralyq chempıonattarda Qazaq eliniń abyroıyn asqaqtatyp júrgen naǵyz daryndy jasóspirimder barshylyq. Olardyń biri - Jansaıa Ábdimálik. «100 tabys tarıhy» atty ulttyq joba aıasynda Jansaıa Ábdimálik týraly áńgime jarııalanǵan bolatyn, dep habarlaıdy QazAqparat.
Jansaıanyń atasy Ábdimálik 2-dárejedegi, al arǵy atasy 1-dárejeli shahmatshylar. Naǵashy atasy da osy oıyndy jetik bilgen. Onyń qabiletine otbasynda baıypty mán berildi. Jeti jasynda halyqaralyq deńgeı talabyn oryndaǵan jasóspirimniń olımpıadadaǵy joly á, degennen tabysty boldy...
Bir úıdegi eki bala da shahmat chempıony. Úlkeni Sanjar elimizdiń chempıony bolsa, Jansaıa tórt dúrkin álem chempıony jáne 12 jasynda álemdegi eń jas grossmeıster atandy. Jansaıa Ábdimáliktiń óz atyndaǵy Shahmat akademııasynyń ashylýyna shahmat tarıhynda ańyzǵa aınalǵan Anatolıı Karpov arnaıy keldi. Olardyń shahmat oınaǵanyn jınalǵan jas sportshylar biraz ýaqyt qadaǵalaýmen boldy. Birneshe blıts partııa oınalǵan soń qonaq: «Jansaıa sózsiz daryndy qyz. Ol oıyn fıgýralaryna tóngen qaýipti tez taýyp, óte jyldam qorǵana alady», - dep pikir bildirdi.
Búgingi ýaqytta jas shahmatshynyń Shymkent pen Almaty qalalarynda Shahmat akademııalary bar. Onda jas grossmeısterdiń ózi de, basqa ustazdar da talaı qabiletti balalarǵa dáris berýde. Aldaǵy 2017 jyly osyndaı akademııalardy Mańǵystaý men Qaraǵandy oblystarynda ashý josparlanýda.
Qazirgi ýaqytta Jansaıa Danııarqyzy Almaty qalasyndaǵy Halyqaralyq Innovatsııalyq Tehnologııalar ýnıversıteti janyndaǵy IT kolledjdiń «Esepteý tehnıkasy men baǵdarlamalyq qamtamasyzdandyrý» bóliminiń 1-kýrs stýdenti. Jansaıa bolashaqta ózin osy salada synap kórmekshi. Ol barlyq jastar sekildi mýzyka tyńdap, kitap oqyǵandy jaqsy kóredi. Atasymen balyq aýlaýǵa shyqqandy unatady.
Jansaıa óziniń týrnırdegi eń uzaq partııasyn 7 saǵattaı oınady. Oıynynda ol shahmattyń on júrisin aldyn ala oılaý qabiletine ıe. Bundaı oılaý júıesi oǵan ómirde tez ári oń sheshimder qabyldaýyna kóp kómektesip keledi.
Shahmat hanshaıymynyń ıdealy áıgili ıÝdıt Polgar. «Temirdeı ledı» degen laqapqa ıe bolǵan venger shahmatshysy Karpovty, Kasparovty jáne birneshe álemdik deńgeıdegi shahmatshy er adamdardy jeńgen. Sondaı bolýǵa qazaq qyzy da umtylyp, tabandylyqpen izdenip keledi. Armandamaıtyn, aldyna maqsat qoımaıtyn jeńimpaz bolmaıdy. Jansaıa jıyrma jasqa deıin endi áıelder arasynda álem chempıony bolýdy maqsat tutyp otyr.
