2017 jyly temirjol kóligimen 87 mln tonna júk tasymaldandy
ASTANA. QazAqparat - Kólik keshenindegi naqty kólem ındeksi 103,4% qurady. Bul týraly Úkimet otyrysynda jasaǵan baıandamasynda QR Investıtsııalar jáne damý mınıstri Jeńis Qasymbek málim etti, dep habarlaıdy QR IDM baspasóz qyzmeti.
«Júk tasymalynyń kólemi 1,1% ósti jáne 813 mln. tonnany qurady. Júk aınalymy 5,4% ulǵaıdy jáne 125 mlrd. tonna km qurady. Ósimniń basym kópshiligi temir jol kóligimen tasymaldanǵany baıqalyp otyr. Júk tasymaly 15,7% ósti jáne 87 mln. tonnany qurady. Al, júk aınalymy 12,6% ósti jáne 60 mlrd. tonna km qurady»,-dep atap ótti Jeńis Qasymbek.
Qurylys boıynsha naqty kólem ındeksi 107,1% qurady. Mınıstrdiń aıtýynsha, Turǵyn úı qurylysyna barlyq qarjylandyrý kózderinen 173,4 mlrd. teńge bólindi, ósim 13,8%. Jalpy aýdany 3,1 mln.sharshy metr turǵyn úı paıdalanýǵa berildi. Bul 2016 jyldyń sáıkes kezeńimen salystyrǵanda 125,3% qurap otyr.
Turǵyn úıdiń basym kópshiligin - 2,9 mln. sharshy metri nemese 93,2%-yn jurtshylyq pen jeke qurylys salýshylar paıdalanýǵa berdi.
Memlekettik sektordyń úlesine paıdalanýǵa berilgen turǵyn úıdiń jalpy aýdanynyń 5% tıesili.
Respýblıka boıynsha 25 230 baspana paıdalanýǵa berildi. Onyń 7 701-i - jeke baspana.
