2017 jyly Ortalyq Azııa turǵyndaryna ınternet pen áleýmettik jeli qoljetimdi bola túsedi
ASTANA. QazAqparat - 2017 jyly Ortalyq Azııa turǵyndaryna ınternet pen áleýmettik jeli qoljetimdi bola túsedi. Bul týraly Qazaqstannyń Strategııalyq zertteýler ınstıtýtynyń dırektory Erlan Qarın málim etti, dep habarlaıdy QazAqparat.
«Biz Ortalyq Azııa elderi úshin taǵy bir tendentsııany atap ótkendi jón kórdik. Ol da óńirdiń damýyna qatty yqpal etetin bolady. Aǵymdaǵy jyly óńir halqynyń keminde 30 mln. adamy nemese 45 paıyzy ınternet pen áleýmettik jelige qoljetimdiligi artady. Bul da óńirdegi protseske áser etedi», - dedi ol.
Onyń atap ótýinshe, ınternetti tıimdi kommýnıkatsııa retinde qoldanýdyń belgili bir múmkindikteri bar. Ol azamattardyń memlekettik qyzmetterge qoljetimdiligin, aqparat pen bilim alýyn jeńildetedi.
«Ortalyq Azııanyń birqatar elderinde kommýnıkatsııalarǵa jáne memlekettik qyzmettergge azamattardyń qoljetimdiligin keńeıtý boıynsha túrli jobalardy aýqymdy ári qarqyndy júzege asyratyn bolady. Qazaqstanda «Azamattar úshin úkimet» jobasy odan ary júzege asyrylady. Mundaı jobalar Ózbekstan, Qyrǵyzstan jáne Tájikstanda da qolǵa alynady», - dedi Qarın.
