2017 jyly on áıel qyzmetker «Qurmetti temirjolshy» ataǵyna ıe bolǵan
«Jyl saıyn temirjol salasynyń úzdikteri memlekettik jáne salalyq marapattarǵa ıe bolady. Ótken jyly on áıel «Qurmetti temirjolshy» ataǵyna ıe boldy. Olardyń qatarynda poıyzda 9 aılyq balany ólimnen qutqaryp qalǵan jolaýshylar poıyzynyń jolserigi Altynaı Rambaeva da bar», - delingen habarlamada.
Temirjol qurylǵan kezden bastapqydan erlerdiń mamandyǵy sanalatyn. Alaıda, temirjol kóligindegi mamandyqtarǵa sońǵy jyldary áıel adamdar kóptep kele bastaǵan. Budan sala utylyp otyrǵan joq. Sebebi, áıelder kásibı bilikti mamandarǵa ǵana emes, jaýapkershiligi joǵary laýazym ıeleri de atanyp otyr.
Qazirgi tańda «Qazaqstan temir joly» UK» AQ-da 34 myń áıel eńbek etedi. Olardyń 2 700-i basshylyq qyzmet atqarady.
«Baspasóz qyzmetiniń málimetinshe, jolaýshylardy bılet kassalarynda kútip alatyn, poıyzdarda jolserik retinde alyp júretin, poıyz qozǵalysyn qamtamasyz etetin, stansa kezekshiligin atqaratyn, poıyz dıspetcheri, júk jáne bagajdy qabyldap alyp jóneltetinder de, elektromehanıkter de áıelder. Salanyń ekonomıkalyq sheshimder qabyldaý men kadr máselesin de sheshetin áıelder», - delingen habarlamada.
Aıta ketsek, temirjol salasynda otyz jyldan beri qyzmet etetin Zeınesh Baımaǵambetova toǵyz jyldan beri Arqalyq stansasyn basqarady. Altynkól stansasy bastyǵynyń Logıstıka jónindegi orynbasary bolyp Nurbıkesh Maýsymbekova qyzmet atqarady. Al, Farıza Qazjanova asa mańyzdy salanyń jetekshisi. Ol «QTJ-Júk tasymaly» AQ - Atyraý júk tasymaly bólimshesiniń qozǵalys qaýipsizdigi qyzmetiniń basshysy bolyp qyzmet etedi.
