2017 jyly mektep bitiretin túlekterdiń attestatsııa tapsyratyn ýaqyty belgili boldy
ASTANA. QazAqparat - QR Bilim jáne ǵylym mınıstrligi feısbýk áleýmettik jelisinde 2017 jyly mektep bitiretin túlekterdiń qaı ýaqytta attestatsııa tapsyratynyn jarııalady, dep habarlaıdy QazAqparat.
Mınıstrliktiń habarlaýynsha, jazbasha jáne aýyzsha emtıhandar, sonymen qatar, mekteptegi testiń jaýap paraqtaryn komıssııa durys jaýaptar kody arqyly tekseredi eken.
«Barlyq emtıhan oqý ornynda - mektepte ótedi. Attestatsııanyń qorytyndy merzimi mınıstrliktiń «2016-2017 oqý jylyn aıaqtaý týraly» (2017 jyldyń 30 sáýirine deıin) buıryǵy arqyly belgilenedi - shamamen 2017 jyldyń 29 mamyry men 9 maýsym aralyǵy. Túlekterdiń mektep bitirý keshteri 2017 jyldyń 15 maýsymyna deıin ótkizilmek»,-dep habarlady mınıstrlik.
Attestatsııanyń qorytyndysyn Ulttyq test ortalyǵy bilim basqarmalaryna, bilim basqarmalary mektepterge taratady.
Buǵan deıin habarlaǵynymyzdaı, Qazaqstan Respýblıkasynyń Bilim jáne ǵylym mınıstrligi feısbýk áleýmettik jelisindegi resmı paraqshasy arqyly halyqqa 2017 jyldan bastalatyn Ulttyq biryńǵaı testileý júıesiniń jańa formatyn túsindirdi.
