2017 jyly mal sharýashylyǵyna arnalǵan sýbsıdııalar qysqarýy múmkin
«Bosatylǵan qarajat ınvestıtsııalyq sýbsıdııalar, bıznes qaýymdastyqtardyń ǵylymı uıymdar qyzmetine arnalǵan shyǵyndaryn sýbsıdııalaý, aýyl sharýashylyǵyn qoldaýǵa arnalǵan kredıtter (lızıng) boıynsha syıaqy mólsherlemesin óteý sııaqty neǵurlym tıimdi sýbsıdııa túrlerine, sondaı-aq, fıtosanıtarııalyq jáne veterınarııalyq qyzmetterdi kúsheıtýge baǵyttalatyn bolady», - dedi vedomstvo basshysy.
Budan basqa, A.Myrzahmetov reformalaý sheńberinde bıznes qaýymdastyqtardyń ǵylymı uıymdar qyzmetin qosa qarjylandyrýy shartymen agrarlyq ǵylymdy memlekettik qoldaýǵa óte otyryp, ǵylymdy tolyq tikeleı qarjylandyrýdy toqtatýdyń kózdelip jatqanyn jetkizdi.
«Bul agrarlyq ǵylym men agrobıznestiń yqpaldasý deńgeıin, sondaı-aq agrarlyq ǵylymnyń tıimdiligin arttyrýǵa múmkindik beredi», - dep atap ótti mınıstr.
Osy qatarda, aýyl sharýashylyǵy taýaryn óndirýshilerdi karantındik jáne fıtosanıtarııalyq is-sharalardy ózdiginen jáne ýaqytyly júrgizýge yntalandyrýǵa óte otyryp, karantındik obektiler men asa qaýipti zııandy organızmderge qarsy kúresti qarjylandyrý tásildemelerin ózgertýdiń kózdelip jatqany da sóz boldy.
Mınıstrdiń aıtýynsha, atalǵan qolaıly fıtosanıtarlyq jaǵdaıdy qamtamasyz etý karantındik obektilerdiń, zııandy jáne asa qaýipti aǵzalardyń jappaı taralýyn boldyrmaýǵa múmkindik beredi.