2017 jyly Quryq porty arqyly Bakýge jóneltiletin júk kólemi 45,1 % kóbeıdi
AQTAÝ. QazAqparat - 2017 jyldyń qorytyndysy boıynsha, Baký-Quryq-Baký baǵyty boıynsha paromdyq júkterdi ótkizý kólemi artyp, 21 myń 62 temirjol vagondaryn qurady, dep habarlaıdy «QazAqparat» HAA-niń tilshisi «Baký halyqaralyq teńiz saýda porty» JAQ-na silteme jasap.
Baký porty baspasóz qyzmetiniń habarlaýynsha, 2017 jyly aıtarlyqtaı ósim temirjol vagondary tasymalynda, dóńgelekti tehnıka men úlken júk tehnıkalyq quraldarynda baıqalǵan.
«Osylaısha, Bakýdiń Garadag aýdanynyń Alıat kentinde ornalasqan Baký portynyń paromdyq termınalynda júk ótkizý kólemi 26,4 protsentti qurap, 46 679 danany qurady. Jalpy kólemnen 6 myń 124 vagon (13,1%) Baký-Aqtaý-Baký baǵyty boıynsha jáne 21 myń 62 vagon (45,1%) Baký-Quryq-Baký baǵyty boıynsha (Quryq porty 2017 jyldyń naýryzynda ashyldy) jóneltilgen»,-dep habarlaıdy baspasóz qyzmeti.
Baspasóz málimetterine qaraǵanda, 2017 jyldyń qorytyndysy boıynsha, Túrkmenstan men Qazaqstanǵa jolaýshylar tasymaly 41,4% artyp, 33 129 adamdy quraǵan.
«Baký portynyń qyzmetterin paıdalanǵan kólik quraldarynyń sany ótken jyly aldyńǵy jylmen salystyrǵanda 21,4% jetip, 28 myń 584 danany qurady. Osy aýqymnan 9 716 nemese kólik quraldarynyń 34% Baký-Aqtaý-Baký baǵytymen jáne 28 danasy (0,1%), Baký-Quryq-Baký baǵytymen jóneltilgen»,-dep túsindirdi baspasóz qyzmetindegiler.
